Lëtera d'informaziun sura la situaziun atuala y sura i tesć antigen asvelc

Atenziun: chësc inserat n'é nia plü atual!

Stimá abitanc dl COMUN DE SAN MARTIN DE TOR

L’infeziun da Covid-19 á arjunt te Südtirol dimenjiuns che se ghira na gran iniziativa coletiva. Por chësta gauja gnaral fat te Südtirol dal vëndres 20 de novëmber ala domënia 22 de novëmber 2020 te nosta Provinzia cina a 350.000 tesć antigen asvelc.

Tolon pert a chësc screening de massa – y fajon porchël l’test – podunse contribuí a individué coes d’infeziun ciamó ascognödes y prevegní y archité na ciamó maiú difujiun dl’infeziun. Tröpes porsones ne sá nia de ester infetades col coronavirus, deache ai ne á degügn sintoms. Mo ai po indere infeté atres porsones dlungia ëi, y chësc messunse ciaré da evité.

Se lascé fá l’test è porchël n at de responsabilité tl confrunt di propri familiars, di amisc, di coleghs y di compagns da scora, y è implü n contribut important por daidé che nosta sozieté (y nosc comun) pois superé al plü snel chësta ria situaziun. Vignöna y vignun de nos po, tolon pert al screening de massa, daidé pro che nosta vita da vignide pois indô jí zuruch bel plan ala normalité y contribuí a salvé la scora y i posc de laur. 

Se lascé fá l test è debann. Le test vëgn fat por chi sura 5 agn, stlüc fora è chi che è en carantena y chi che á bele fat n test ti ultimi 3 dis. Al consist te n scëmpl tampone tl nes, che dá n resultat do da 15 menüc. Ince te nosc comun laora le personal sanitar y la proteziun zivila por che chësc screening de massa vëgnes organisé y sbrighé ia al miú ch’ara va.

Se anuzun de chësta ocajiun unica de rumpe la morona d’infeziun. I sarun ma bugn sce i restun unis de chësc vers y se lasciun düc fá l’test.

Informaziuns implü sön chësc screening de massa te Südtirol è da ciafé söl sit internet www.provinz.bz.it/coronatest che vëgn tres ajorné.

L’ombolt – Costabiei Dr. Giorgio - 

16/11/2020