Home > Sorvisc > Atualité > News > Lëtra d’informaziun sön la situaziun atuala y i tesć a livel provinzial

Lëtra d’informaziun sön la situaziun atuala y i tesć a livel provinzial

Atenziun: chësc inserat n'é nia plü atual!

Grafik

Stimá zitadins,

impröma oressi Ves dí che la situaziun atuala é por nos düc posocia y ria. Düc oress indô tosc jí zuruch tla normalité sënza corona. Avisa porchël él debojëgn cina dailó da trá düc dl medemo vers por arjunje te chësta ria situaziun le miú por nosc paisc y nosta comunité.

Por podëi indô daurí les scolines y les scores y por mëte indô da jí les ativités economiches, dessl gní fat test a dötes les porsones. I test gnará fac por döt le Comun de San Martin de Tor en vëndres, ai 20 de novëmber, sabeda ai 21 de novëmber y domënia ai 22 de novëmber dales 8.00 ales 18.00.

I tesć gnará fac por döt le Comun tla palestra a San Martin, y an po se prenoté online dales 10.00 dl mercui, 18.11.2020 inant diretamënter sot al link https://app.no-q.info/stmartin-sanmartino/checkins#/ 

Chi che ne sciafia por gaujes tecniches nia da se prenoté online po ince se prenoté por telefon te comun al nr. 0474 523125 o 0474 524377 tratan les ores d’ofize cina en vëndres sëra dales 18.00.

Presentesse al test l’dé assegné dala prenotaziun y tolesse cun Os:

  1. Tessera sanitara
  1. Cherta d’identité varënta
  1. Modul de registraziun (da scariché dala homepage o modul injunté da scri fora)

Chësc modul mëss ester scrit fora indertöra pro vigni porsona che fej l’test, por ej. por na familia de cater porsones, mess le modul gní scrit fora por vigni mëmber dla familia. Por düc i mëmbri pol gní de dant le medemo numer de telefonn y la medema misciun e-mail. L’resultat dl test gnará mené ala misciun e-mail te format pdf., sconé da na passwort. La passwort che o ester gnará menada por sms al numer de telefon dé dant. Al è porchël dër important dé dant n numer de telefon zelular y na misciun e-mail. I lauranc po dé dant söl modul sce ai adora n zertificat de maratia tl caje de n test positif.

  1. Scheda informativa sön la proteziun di dac (da scariché dala homepage o modul injunté)

Ince chësta scheda mëss gni dada jö por vigni porsona che fej l’test; l’personal presënt metará sö na eticheta cun le numer dl test. La scheda informativa ne á nia bria da gní firmada.

Sce la prenotaziun dl test vëgn fata dala homepage dl Comun demez, vëgn le modul de registraziun y la scheda informativa por la proteziun di dac generá automaticamënter por gní stampá.


I test vëgn fac:

- por chi sura 5 agn

- stlüc fora è chi che è en carantena

- stlüc fora chi che á bele fat n test ti ultimi 3 dis

- chi sot a 18 agn mëss ester acompagná da n genitur. 


Le test consist te n scëmpl tampone tl nes, che dá n resultat do da 15 menüc.


Dilan por Osta comprenjiun y colaboraziun

L’ombolt – Costabiei Giorgio

17/11/2020

LAD